8/08/2022

,

Santo Domingo de Guzmán
8/08/2022

,

Santo Domingo de Guzmán

Encontro de formación co delegado de Cáritas Española, Vicente Martín

Encontro de formación co delegado de Cáritas Española, Vicente Martín
Foto: Vicente Martín, delegado episcopal de Cáritas española.

A delegación episcopal de Acción  Caritativa e Social organiza un encontro de formación con Vicente Martín, delegado episcopal de Cáritas Española desde outubro de 2018, no salón parroquial do Corazón de María, ás 18 horas do venres 11 de marzo, baixo o título «Cáritas, comunidade  fraterna e coidadora».

Nomeado delegado episcopal de Cáritas Española o 3 de outubro de 2018, Vicente Martín é natural de La Nava de Santiago (Badaxoz), onde naceu o 16 de setembro de 1969. Foi ordenado sacerdote en 1995. Cursou o seu Bacharelato en Teoloxía no Seminario Metropolitano San  Atón de Mérida-Badaxoz (1994) e o Máster en Doutrina Social da Igrexa polo Instituto Social León  XIII (2006). Así mesmo, é licenciado en Teoloxía Pastoral polo Instituto Superior de Pastoral de Madrid (2018) e realizou os cursos de doutoramento en Teoloxía Pastoral.

Tras a súa ordenación, desenvolveu o seu ministerio pastoral como párroco en diferentes parroquias de Badaxoz, compaxinándoo con outras responsabilidades diocesanas: como membro do Departamento de Doutrina Social da Igrexa ( DSI) na Arquidiocese  emeritense; profesor de  DSI e Pastoral Social no Centro Superior de Estudos Teolóxicos do Seminario Metropolitano e no Instituto Superior de Ciencias Relixiosas “Virxe de Guadalupe” (cursos: 2014-2015; 2015-2016); delegado episcopal de Cáritas Diocesana de Mérida-Badaxoz (2006-2012); delegado episcopal para a Vida Consagrada (2013-2016); e membro do Consello do Presbiterio (2004-2006 e 2014-2016).

Conta, tamén, cun longo percorrido formativo. Impartiu diversos cursos e colaboracións docentes na Universidade de Estremadura e en varias xornadas de formación sobre Apostolado  Segrar, Acción Católica Xeral de Adultos,  CONFER e Vida Consagrada. Actualmente, desenvolve un importante labor de coordinación de actividades formativas en toda a Confederación Cáritas Española, tanto de ámbito estatal (Escolas de Caridade, Xornadas de Teoloxía, Escolas de Verán) como nas distintas Cáritas Diocesanas. Esta dedicación esténdese tamén a América Latina e a outros países onde Cáritas impulsa espazos de cooperación  fraterna coas Cáritas e Igrexas locais.

Facebook
Twitter
Email
WhatsApp