O sábado 15 de abril, desde as 10.30 ata as 19 horas, a delegación de Pastoral Xuvenil e Universitaria da diocese de Tui-Vigo organiza o Encontro Diocesano da Mocidade (EDJ, según as siglas en castelán), no colexio San José de Cluny. «Camiño á JMJ Lisboa 2023» é o lema baixo o que convocan a este encontro que servirá de preparación para os mozos que vaian participar na Xornada Mundial da Mocidade que terá lugar na capital lusa, do 1 ao 6 de agosto. Os interesados poden inscribirse na seguinte ligazón.
A data escollida non é casual, xa que se enmarca dentro do tempo de Pascua. Así, a delegación de Pastoral Xuvenil e Universitaria da diocese de Tui-Vigo, que encabeza o sacerdote Samuel Montes, quere remarcar o carácter festivo deste encontro no que mozos e mozas de diferentes realidades eclesiais do territorio diocesano poden entrar en contacto para compartir e celebrar xuntos a Pascua.
Nesta ocasión, a temática que se abordará estará relacionada coa Xornada Mundial da Mocidade de 2023 cun dobre obxectivo: por unha banda, motivar a inscrición daqueles mozos que aínda non teñan claro que é a JMJ; por outra, preparar con especial intensidade ao máis de medio centenar de persoas que están inscritas no plan diocesano para a JMJ. Para iso, durante a mañá, os participantes poderán participar en diferentes talleres para coñecer en profundidade a estrutura da JMJ, o lema, a historia ou os patróns que este ano se incorporan por vez primeira.
A delegación de Pastoral Xuvenil e Universitaria da diocese de Tui-Vigo, tal e como manifesta no Plan Pastoral para o curso 2022-2023, quere xerar espazos eclesiais de encontro entre os mozos e mozas para que poidan compartir de forma conxunta a alegría da fe. O EDJ, a Oración Nova ou Alpha son só algunhas das actividades coas que o equipo coordinador da delegación —formado por mozos e mozas de entre 18 e 30 anos que son acompañados por sacerdotes— pretende cumprir o seu obxectivo de «poñer de manifesto a necesidade de que os mozos sexan protagonistas na construción da Igrexa e a evanxelización, a través dunha maior participación na vida da igrexa diocesana cun estilo autenticamente sinodal».
Máis de medio centenar de mozos e mozas rexistrados no plan diocesano para a JMJ
Segundo o último reconto, a delegación de Pastoral Xuvenil e Universitaria conta con máis 50 persoas rexistradas no plan diocesano para a JMJ que comezará o 26 de xullo e finalizará o 8 de agosto, tempo no cal participarán nos «días nas dioceses» —no Algarve, na diocese de Faro—, nas actividades da JMJ en Lisboa e no encontro con mozos da provincia eclesiástica de Santiago de Compostela en Coimbra. Desprazamentos, aloxamento e comidas están integramente incluídos en 495 euros que custa inscribirse.
JMJ Lisboa 2023: unha experiencia de encontro con Cristo e un impulso nesta aventura da fe
A delegación de Pastoral Xuvenil e Universitaria de Tui-Vigo abriu o prazo de inscrición para participar na Xornada Mundial da Mocidade, JMJ, que o papa Francisco convocou en Lisboa, do 1 ao 6 de agosto de 2023.
