Este vernes terá lugar na igrexa antiga de Santo Tomé de Freixeiro, ás 19H, unha celebración ecuménica con motivo da semana de oración pola unidade dos cristiáns. O bispo de Tui Vigo, Mons. Antonio Valín, estará presente neste encontro.
A semana ou octavario de oración pola unidade dos cristiáns deu comezo o pasado domingo, 18 de xaneiro, día da confesión de San Pedro, e remata este domingo 25, día da conversión de San Paulo. O tema deste 2026 provén da epístola do apóstolo Paulo ós efesios: «Hai un só corpo e un só Espíritu, así como foron chamados a unha soa esperanza do seu chamamento» (Efesios 4:4).