A parroquia de Santa Eulalia de Alcabre organiza un encontro co padre José Luis Orpella, misioneiro en Quenia. O sábado 8 de marzo, ás 18.00 horas, o padre Orpella presidirá a eucaristía no templo parroquial e, a continuación, haberá un coloquio para dar a coñecer a misión e os proxectos que este sacerdote natural de Barcelona , leva a cabo no continente africano.
O padre José Luis Orpella leva case 30 anos traballando en Quenia e puxo en marcha numerosos proxectos de desenvolvemento para mellorar a vida das persoas máis necesitadas da diocese de Garissa , onde leva a cabo a súa misión. Misioneiro, sacerdote e médico, constituíu a Asociación Emaús Kenya, xunto con 4 mozos quenianos, para apoiar os proxectos da diocese de Garissa .
