A Diocese de Tui-Vigo despediu o mes de marzo en plena Semana Santa celebrando a Misa Crismal que o bispo Luís Quinteiro presidiu na catedral tudense á 12 hora da mañá, acompañado de números presbíteros diocesanos e dalgunhas comunidades relixiosas.
Durante a súa homilía, o Mons. Quinteiro destacou a importancia da comuñón eclesial, especialmente entre o clero para, dese modo, construír unha Igrexa diocesana que de cabida ás multiplicidade de carismas. Con estas palabras, expresou a relevancia desta celebración, considerada unha das principais manifestacións da plenitude sacerdotal do bispo e un signo da estreita unión dos sacerdotes con el quen, desde o Concilio Vaticano II, renovan as súas promesas sacerdotais durante esta eucaristía.
Na entrada do templo, tamén estaba presente a Cruz de Lampedusa, ese signo dos migrantes que o papa Francisco bendixo e exhortou a percorrer todo o mundo para visibilizar e concienciar acerca da crúa realidade que padecen as persoas que ven obrigadas a abandonar os seus fogares. Esta Cruz, presente desde o pasado 9 de marzo, peregrinará a nosa Diocese ata o próximo 14 de abril.
A Misa Crismal, é unha celebración destinada a consagrar o santo Crisma —por iso, “misa crismal”— e tamén a bendicir os óleos ou aceites que se usarán para unxir aos enfermos e aos que se van a bautizar ou catecúmenos.
O Crisma é utilizado para signar aos bautizados e aqueles que reciben o sacramento da confirmación, unxir nas mans aos que serán ordenados presbíteros, e na cabeza aos que serán consagrados bispos, así como para a dedicación dunha igrexa ou dun altar.
