O sábado 11 de outubro, o colexio San Xosé de Cluny en Vigo acolleu a inauguración do curso do movemento Equipos da Nosa Señora da diocese de Tui-Vigo. O sacerdote Francisco Ojosnegros, consiliario do movemento, presidiu a eucaristía na capela do centro. A continuación, presentáronse os obxectivos deste novo curso 2025-2026.
O consiliario Francisco Ojosnegros destacou, na súa homilía, a importancia e a necesidade de ser agradecido e de verbalizar ese grazas. Neste sentido, convidaba a realiza ese agradecemento, en primeiro lugar, co seu cónxuxe, aquel con o que comparten vida e fan camiño.
Durante a celebración, incorporouse un novo equipo, seis matrimonios que inician este camiño coidando o seu matrimonio. Tamén se presentaron os responsables de cada equipo que teñen a misión de coidar a súa comunidade.
Finalizada a eucaristía, os responsables do sector de Vigo, José Manuel e Pilar, acompañados polo seu consiliario e polos responsables rexionais, Jesús e Maruchi, presentaron os obxectivos deste novo curso pastoral e animaron aos presentes para profundar, a través do tema de estudo deste ano, no sacramento do matrimonio como vocación e convidáronos a « ser construtores e non inquilinos» do movemento, tal e como dicía do padre Henry Caffarel, fundador do mesmo.
Equipos da Nosa Señora (ENS) é un movemento de matrimonios, dirixido e coordinado por matrimonios que nace no París da 2ª Guerra Mundial e na posguerra constitúense en movemento aprobando a Carta Fundacional en 1948. O padre Henri Caffarel, cuestionado por algúns novos matrimonios sobre como poderían ir máis aló nas súas promesas bautismais e que poderíalles axudar a vivir a fe en parella, elabora un método que favorece a comunicación no matrimonio en profundidade e á luz de Cristo. É así como a Espiritualidade Conxugal, noméase por primeira vez na historia de la Iglesia e constitúese no carisma fundamental do movemento. Os ENS están pensados para dar resposta a todos aqueles matrimonios que busquen ser felices seguindo a Cristo xuntos e buscando cumprir a súa vontade.
