Este sábado 15 de novembro, entre as 10.30 e as 14.30 horas, o bispo de Mondoñedo-Ferrol e presidente da Subcomisión para as Migracións e Movilidad Humana da Conferencia Episcopal Española, monseñor Fernando G. Cadiñanos, convídate a reflexionar sobre a cuestión migratoria no Seminario Maior «San Xosé» en Vigo. A delegación diocesana de Persoas Migrantes organiza un simposio para presentar a exhortación pastoral «Comunidades acolledoras e misioneiras. Identidade e marco da pastoral con migrantes»,
A exhortación pastoral «Comunidades acolledoras e misioneiras. Identidade e marco da pastoral con migrantes» foi aprobada pola Asemblea Plenaria da CEE en marzo de 2024. O texto, dividido en cinco capítulos, busca actualizar a identidade do marco de referencia da pastoral con persoas migradas e ofrecer, desde a diversidade achegada polas migracións, algunhas claves para afrontar os desafíos do futuro.
Partindo da premisa de que «a integración das persoas migradas na Igrexa é un dos signos dos tempos eclesiais máis claros», a exhortación foi publicada coa esperanza de suscitar «un cambio na conciencia e o enfoque de quen conformo o santo pobo de Deus. Que nos axude a configurar as comunidades do futuro, camiñando co que funciona ou reformulando onde sexa necesario o modelo de parroquia e de misión; promovendo con quen xa viven entre nós e os novos veciños ou irmáns comunidades acolledoras e misioneiras. Conversión persoal e pastoral para vivir en harmonía, testemuñar e anunciar xuntos a alegría do Evanxeo».