O sábado 16 de novembro , coincidindo coa festa en honra ao seu patrón, a parroquia de San Martín e San Campio de Figueiró celebrou unha misa de acción de grazas, harmonizada pola Coral de Tomiño, para homenaxear ao seu párroco, José Luis Portela Trigo, que cumpre 55 anos á fronte desta comunidade parroquial. Tras a eucaristía, durante a cual funcionou o botafumeiro, houbo unha comida de confraternización no salón da comisión de festas «O Poleiro».
A través desta homenaxe, a comunidade expresou a súa gratitude e recoñecemento ao seu párroco, José Luis Portela Trigo, polo seu servizo ininterrompido e a súa dedicación pastoral que, durante máis de cinco décadas, compaxinou con outras responsabilidades diocesanas e como párroco, desde 1988, das parroquias veciñas de Estás e Forcadela. Ao longo do seu ministerio sacerdotal, exerceu como profesor de Relixión e ocupou diversos cargos diocesanos como ecónomo ou delegado do Fondo Común Diocesano, entre outros.
