A festa da natividade da virxe María puxo fin á romaría en honra á nosa Señora do Alba e san Bartolomeu que organizou a parroquia de San Andrés de Valadares. Así, o 8 de setembro, ás 20.00 horas, no templo parroquial, o bispo de Tui-Vigo, Mons. Antonio Valín, presidiu a eucaristía solemne en honra á virxe, cuxa imaxe procesionou previamente desde a capela do monte Alba ata a igrexa de Valadares.
A romaría en honra á nosa Señora do Alba e san Bartolomeu en Valadares deu comezo o pasado 15 de agosto, coincidindo coa solemnidade da asunción da virxe María. Durante esa xornada e a do 24 de agosto, a capela do monte Alba acolleu as diferentes celebracións en honra á virxe do Alba e san Bartolomeu.
