O venres 15 de setembro, finaliza o prazo para inscribirse na quenda de exercicios espirituais para sacerdotes que organiza a Vigairía para o Clero da diocese de Tui-Vigo: do domingo 1 ao venres 6 de outubro, na casa de espiritualidade Santa María do Mar de Dorrón (Sanxenxo), dirixidos por Mons. Julio Parrila, bispo emérito da diocese de Riobamba, en Ecuador.
Tal e como lembra a Vigairía para o Clero, os exercicios espirituais para sacerdotes «son unha das mellores accións pastorais que nós, como ministros ordenados, podemos facer para servir á Igrexa segundo o Corazón de Cristo».
Sobre Mons. Julio Parrilla
Naceu en Ourense no ano 1946. Foi ordenado sacerdote en 1975, en Salamanca e, en 2008, o papa Bieito XVI nomear bispo da diocese de Loja, en Ecuador. Desde xaneiro de 201 3 ata marzo de 2021, foi bispo da diocese ecuatoriana de Riobamba.
No ano 1991, a través do Movemento Adsis —do que foi secretario xeral, desde 1975 ata 1979—, chegou a Ecuador para exercer como sacerdote misioneiro nas arquidioceses de Portoviejo e Quito. Durante o seu ministerio sacerdotal en España, foi coadxutor no municipio de Santa Marta de Tormes e párroco na igrexa da nosa Señora de Fátima en Salamanca.
