O mércores 26 de abril, a delegación de Pastoral Vocacional e CONFER de Tui-Vigo organizaron unha eucaristía presidida polo bispo Mons. Luís Quinteiro, no templo parroquial do Corazón de María para celebrar con todo o Pobo de Deus que peregrina na Igrexa diocesana de Tui-Vigo, a Xornada Mundial de Oración polas Vocacións e a Xornada de Vocacións Nativas.
Durante a celebración, o prelado tudense, lembrando a figura de santo Isidoro a quen a Igrexa conmemorou ese mesmo día, manifestou que «no mundo de hoxe hai moitos valores, pero hai un que é moi importante: achegar comprensión da realidade. Os cristiáns non podemos ser escurantistas, temos que entregarnos enteiramente á comprensión da realidade. Por tanto, temos que achegar propostas intelixentes. Neste sentido, todos estamos chamados profundar profundamente no coñecemento da vida, non só nos libros, senón tamén mediante o testemuño real. Se iso o unimos a unha entrega total da vida, a realidade da Igrexa ofrécenos unha gran esperanza».
A Igrexa celebra o 30 de abril a Xornada Mundial de Oración polas Vocacións e a Xornada de Vocacións Nativas baixo o lema, «Ponte en camiño. Non esperes máis». Esta campaña difúndese de maneira conxunta por o servizo de Pastoral Vocacional da Conferencia Episcopal Española, a Conferencia Española de Relixiosos (CONFER), Obras Misionais Pontificias (OMP) e a Conferencia Española de Institutos Seculares (CEDIS).
Coincidindo co «domingo do Bo Pastor», é dicir, o cuarto de Pascua, a Igrexa celebra, de forma conxunta, a Xornada Mundial de Oración polas Vocacións e a Xornada de Vocacións Nativas, baixo o lema «Ponte en camiño. Non esperes máis». A primeira, de carácter universal, pretende suscitar na mocidade a pregunta da súa vocación á vez que convida á comunidade cristiá a promover as vocacións cristiás coa oración e o acompañamento; a segundo, busca soster as vocacións de especial consagración que xorden nos territorios de Misión, para que ningunha delas quédese frustrada por falta de recursos.
