O venres 20 de setembro, ás 17.30 horas, en Mos, celebrouse unha homenaxe cara á comunidade relixiosa das Escravas da Virxe Dolorosa que, desde 1960, ofrece atención integral a mulleres con discapacidade intelectual no territorio da diocese de Tui-Vigo, concretamente en Mos e Crecente. Proximamente, as relixiosas deixarán Galicia para trasladarse ao centro que a Escravas ten en Ávila, debido «á escaseza de vocacións, a idade das irmás e a realidade da Congregación», segundo un comunicado publicado o 12 de setembro.
O acto,
que contou coa asistencia de diversas autoridades civís, deu comezo cunha eucaristía de acción de grazas presidida polo capelán do centro, Víctor Bargiela, acompañado por sacerdotes diocesanos e responsables de Vida Consagrada e CONFER da diocese de Tui-Vigo. constituíu unha oportunidade para agradecer o labor e entrega das relixiosas das Escravas en Galicia, desde os seus inicios en 1960.
Mediante o comunicado con data do 12 de setembro, a organización explicou que «tras máis de 60 anos, [as relixiosas da congregación] deixaron unha pegada importante, un legado moi bonito en todas as persoas que convivimos con elas, así como nos centros de Mos e Crecente. Agora tócanos honrar o seu legado e a súa historia, seguir dándolle continuidade con paixón e amor. Ese amor maternal e incondicional que sempre nos mostraron». A pesar da marcha da comunidade relixiosa, ambos os centros continuarán desenvolvendo a súa actividade e ofrecendo unha atención integral a mulleres, grazas aos profesionais segares que traballan neles.
A diocese de Tui-Vigo, concretamente nos concellos de Mos e Crecente, conta con dous dos nove centros que as Escravas da Virxe Dolorosa abriron para a atención de mulleres —embarazadas ou con fillos, con discapacidade intelectual e anciás— con necesidades de apoio nalgunhas áreas da vida —persoal, familiar, social e sanitaria—. Desde estes centros, a congregación quere garantir a máxima calidade para as residentes e as súas familias, proporcionando unha vivenda na que se satisfagan as necesidades das usuarias, mediante unha serie de servizos e programas.
