O sábado 21 de decembro, ás 19.00 horas, a asociación «Amigos da Catedral de Tui», en colaboración co cabido catedralicio, inaugura a exposición «Beléns do mundo», na catedral tudense. Como cada ano, a catedral de Tui acolle máis de 300 beléns procedentes dos cinco continentes, que constitúen unha fermosa expresión de arte e devoción popular de máis de cincuenta países.
A partir do sábado, a exposición poderá visitarse no horario habitual de apertura do templo catedralicio: pola mañá desde as 10.45 ata as 14:00 horas, de luns a sábado, e desde as 09.00 ata as 12.45 horas, durante os domingos; pola tarde poderá accederse desde as 16:00 horas ata as 19:00 horas calquera día da semana.
Ademais da exposición «Beléns do mundo», o venres 3 de xaneiro de 2025, ás 17.00 horas, a asociación «Amigos da Catedral de Tui» organiza unha nova edición do «Concurso de Panxoliñas», co obxectivo de revitalizar as tradicións de Nadal, especialmente entre os máis novos.