28 de Marzo de 2024

,

San Sixto III
28 de Marzo de 2024

,

San Sixto III

Luís Quinteiro, bispo de Tui-Vigo, convida a escoitar e a abrirse á realidade na festa de Santa Catarina.

Luís Quinteiro, bispo de Tui-Vigo, convida a escoitar e a abrirse á realidade na festa de Santa Catarina.

A onomástica de Santa Catarina de Alexandría enmárcase dentro do calendario do Instituto Teolóxico San José de Vigo como un día importante, xa que supón celebrar a festa da patroa dos filósofos, a súa patroa. A esta cita, que tivo lugar hoxe ás 12:00 na capela do Seminario Maior, acudiu o bispo de Tui-Vigo, Luís Quinteiro Fiuza, para presidir a Eucaristía. 

Santa Catalina de Alexandría entregou a súa vida a través da súa saber, manténdose fiel á súa fe e as súas conviccións ata o seu martirio, explicou o bispo, Luis Quinteiro, quen aproveitou a ocasión para lembrar aos asistentes a importancia de continuar testemuñando a fe no contexto cultural actual, abríndose e escoitando «a realidade desde a convicción profunda de que o misterio de Deus latexa nela, coa prudencia que pide o Señor, pero coa forza e a certeza profunda que nos dá o sabernos nas mans de Deus».

A celebración, que tivo lugar esta mañá na capela do Seminario Maior, foi concelebrada por Antonio Menduiña, director do Instituto Teolóxico San José de Vigo; Juan Andión, José Diéguez, Juan Luís Martínez, Ángel Carniceiro e José Vidal, todos eles profesores do centro; Juan Diz, reitor do Seminario Maior, xunto con Luís Cedeira e Ángel Bastos, o director espiritual e o  confesor extraordinario do Seminario, respectivamente; e Sebastián Castro, secretario do bispo.

Debido ás restricións vixentes motivadas pola pandemia do COVID-19 e o Estado de Alarma, o Instituto Teolóxico San José de Vigo tivo que suprimir o habitual acto académico que tiña lugar no salón de actos do Seminario tras finalizar a Eucaristía. 

Facebook
Twitter
Email
WhatsApp