Hoxe, 2 de agosto, máis de cincuenta novos da diocese de Tui-Vigo atópanse en Roma para celebrar o Xubileu 2025, que o papa Francisco convocou baixo o lema «Peregrinos de esperanza». Tras o encontro de españois celebrado onte na praza romana de San Pedro, hoxe, os mozos da diocese participarán na vixilia de oración co papa León XIV en Tor Vergata.
A peregrinación, organizada pola delegación diocesana de Pastoral Xuvenil e Universitaria da diocese de Tui-Vigo, iniciou o pasado domingo 27 de xullo. Desde entón, os mozos puideron visitar diferentes cidades italianas no seu camiño ata a cidade eterna: Milán, Florencia e Bolsena. Ademais, a viaxe iniciou cunha parada en PortAventura , en Tarragona. Durante o regreso, previsto para o 7 de agosto, os mozos visitarán Turín e os santuarios marianos de Lourdes e Covadonga.
Durante estes días en Roma, está previsto que miles de mozos de todo o mundo participen nos diferentes actos. As celebracións centrais terán lugar en Tor Vergata durante a fin de semana do 2 e o 3 de agosto e serán retransmitidas a través da canle de Youtube Vatican News – Español.