Entre o 14 e o 24 de xullo, trinta e cinco mozos e mozas universitarias procedentes de Madrid e Córdoba realizaron unha «Misión de verán» nas parroquias de San Xoán de Amorín, San Vicente de Barrantes e Santa María de Pinzás. O párroco, Jesús García, destaca que estes mozos «trouxeron gran alegría ao pobo», integrándose e formando parte das comunidades parroquiais con moito naturalidade. Expresa, ademais, que os veciños se envorcaron na acollida.
Jaime, procedente de Córdoba, explica que pasar eses 10 días na diocese de Tui-Vigo colaborando con diferentes parroquias e actividades axudoulle a vivir a fe en comunidade. A experiencia, en compañía da virxe de Schoenstatt, «fortalécenos e recárganos as pilas para o resto do ano. Imos darnos sen esperar nada a cambio». Neste sentido, para Jaime, resultou moi gratificante: «vaste co corazón enriquecido e con moitas ganas de ver como Deus e a Mater fan milagres durante eses días».
Durante a súa estancia, os mozos integráronse na vida das parroquias e da diocese, dando testemuño da súa fe e participando en diferentes actividades pastorais, como Ceas Alpha para adultos en Barrantes, o campamento parroquial de verán para nenos e nenas ou a súa colaboración no proxecto «Unha luz na noite», promovido pola delegación de Pastoral Xuvenil e Universitaria de Tui-Vigo. Durante a romaría da Magdalena, así como nas celebracións eucarísticas de San Miguel e San Xosé Obreiro, puideron compartir a súa vivencia de fe cos veciños do pobo. Ademais, colaboraron en tarefas de mantemento dos diferentes bens inmobles, como o arranxo do presbiterio de Amorín. A atención social ás persoas vulnerables foi outra das grandes tarefas desenvolvidas durante eses días; en concreto, visitaron as residencias de anciáns Paz y Ben, San Telmo e Siempre Cuidándote.
Esta iniciativa misioneira, que se nutre da espiritualidade de Schoenstatt, enmárcase dentro do proxecto «Misión País» fundado fai máis dunha década por un conxunto de estudantes universitarios católicos: durante un período de tres anos, un equipo de misioneiros diríxese a unha comunidade de España ocasión para entregarse ao servizo tanto da Igrexa como daqueles en situación de necesidade, enriquecéndose a través da práctica do voluntariado, a oración e o servizo desinteresado aos demais. A maiores dos proxectos a longo prazo, cada verán, organizan pequenas experiencias en diferentes lugares da xeografía española.
