17 de Novembro de 2026,
Santa Isabel de Hungría

Marian Mouriñou, pregoeira do Cristo da Vitoria: «Grazas por darme valentía e luz para tomar decisións nos momentos escuros»

Marian Mouriñou, pregoeira do Cristo da Vitoria: «Grazas por darme valentía e luz para tomar decisións nos momentos escuros»
FOTO.- De izq. a drcha.: Marián Mouriño, presidenta del Celta y pregonera del Cristo de la Victoria; Abel Caballero, alcalde de Vigo; y Marora Martín-Caloto, presidenta de la cofradía del Santísimo Cristo de la Victoria.

O Pazo de Castrelos acolleu a lectura do pregón na honra ao Santísimo Cristo da Vitoria, unha das celebracións relixiosas e populares máis arraigadas na cidade. O acto congregou a representantes da Igrexa, autoridades civís e militares, membros da confraría do Santísimo Cristo da Vitoria e numerosos invitados, nun ambiente marcado pola emoción e a devoción que cada ano preceden aos cultos e á multitudinaria procesión do primeiro domingo de agosto.

Entre os asistentes atopábanse o bispo de Tui-Vigo, monseñor Antonio Valín; o bispo emérito, monseñor Luís Quinteiro; e o arcebispo-bispo emérito de Urgell, monseñor Joan Enric Vives, encargado de predicar a novena deste ano.

A irmá maior da confraría, Marora Martín-Caloto, abriu o acto lembrando a historia e o significado dunha devoción que, xeración tras xeración, continúa reunindo a miles de vigueses ao redor do Cristo da Vitoria. Finalizou a súa intervención cun rogo: «que o Santísimo Cristo da Vitoria nos axude a non xulgar severamente polo que vemos e nos permita crer que todos os seres humanos, sen excepción, teñen parte do reflexo do Amor de Deus, vexámolo ou non».

Durante a lectura do pregón, a presidenta do RC Celta, Marián Mouriño, quixo expresar, ante todo, a súa gratitude pola invitación recibida e compartir unha reflexión sobre a responsabilidade de servir a unha comunidade. Desde a súa experiencia á fronte do RC Celta, estableceu un paralelismo entre a fe e o sentimento de pertenza que esperta o club, afirmando que «o Celta, como a fe e a Igrexa, pertencen á súa xente e os que diriximos debemos estar preto». A súa intervención estivo marcada polo agradecemento, a confianza en Deus e o compromiso coa formación en valores, a inclusión e o servizo ás novas xeracións.

Clausurou o acto o alcalde de Vigo, Abel Caballero. Durante a súa intervención, evocou o profundo arraigamento desta celebración na historia da cidade e presentou ao Santísimo Cristo da Vitoria como un símbolo que acompaña a Vigo desde hai séculos e forma parte da súa identidade colectiva.

Con este  pregón, Vigo inicia unha fin de semana de especial devoción que culminará coa celebración da festa ao Santísimo Cristo da Vitoria. Mañá, haberá misas na concatedral-basílica de Santa María cada hora, desde as 07.00 ata as 18.30 horas. Ás 11.00 horas, o bispo de Tui-Vigo, monseñor Antonio Valín, presidirá a eucaristía solemne e, ás 19.30 horas, dará comezo a tradicional procesión polas rúas do centro da cidade.

Pregón al Santísimo Cristo de la Victoria (2026) | © Diocese de Tui-Vigo
« ‹ de 11 › »