Coincidindo coa celebración do Mércores de Cinza e co inicio da Coresma, hoxe, 5 de marzo, faise público a mensaxe do bispo de Tui-Vigo, Mons. Antonio Valín, para este tempo litúrxico que convida á renovación espiritual e á conversión, mediante a oración, a esmola e o xaxún. «Volvendo ao esencial» é o título da mensaxe escrita polo prelado, na que lembra que «a Coresma non pode ser un tempo triste», porque «é o tempo de volver ao esencial,ser máis auténticos e liberarnos de tanto po que se nos vai pegando nos recunchos da nosa vida».
Para poder regresar ao esencial, o bispo de Tui-Vigo lembra que «a Igrexa, nai e mestra, ofrécenos un camiño: volver á Palabra encarnada de Deus, porque en Cristo maniféstase o home ao propio home e móstrase a vocación á que foi chamado (GS 22). Lendo, orando, contemplando ese Cristo-Palabra podemos descubrir quen somos: fillos dun mesmo Pai e irmáns. Todos fillos moi amados por Deus, sempre; e todos irmáns, chamados a vivir en fraternidade real, sempre».
A Coresma, que empeza o Mércores de Cinza e finaliza coa celebración da Cea do Señor do Xoves Santo, é o tempo litúrxico que marca a Igrexa para a prepararse para a festa da Pascua. É un tempo para a renovación das promesas bautismais en Pascua de Resurrección mediante a oración, a esmola e o xaxún. É un tempo de escoita da Palabra de Dios e de conversión. Podes ler máis información no especial de Coresma, creado pola Conferencia Episcopal Española.
