Desde primeira hora da mañá, multitude de fieis abarrotaron a concatedral-basílica de Santa María en Vigo para render homenaxe ao Cristo da Vitoria, no seu día grande. Ás 11.00 horas, o bispo de Tui-Vigo, monseñor Antonio Valín, presidiu a eucaristía solemne, durante a que expresou que «cando un mira á Cruz sente salvado, amado, comprendido, escoitado, valorado, esperanzado. Cando vemos a Cristo na cruz, recoñecemos o poder da súa resurrección e a luz que todo ser humano necesita buscando o camiño para atopala nel. Vivir coa convicción dese amor excesivo de Dios é o que nos posibilita unha fe en Cristo, que ten como meta a salvación histórica e definitiva, e nela, nosa máis plena realización».
Nesta festa en honra ao Cristo da Vitoria, o bispo lembrou que «a cruz de Cristo nunca deixou indiferente a ninguén: ou leva á fe ou provoca unha forte oposición». Neste sentido, monseñor Antonio Valín subliñou que «seguir a Cristo hoxe esíxenos aceptalo na maneira na que el se nos manifestou: un amor entregado sen límites, de onde brota o perdón e renace a fraternidade, porque só o amor deixa lugar ao outro».
O prelado tudense, finalizaba a súa homilía dando grazas ao Cristo do Sal «por tanto amor derramado, por tanta pregaria escoitada, por tanta esperanza sementada en todos os que acudimos tantas veces a ti. Señor que te levantas como faro no medio de nós na túa cruz, que aprendamos de ti a desposuírnos de todo egoísmo e vaiamos sempre ao encontro do outro, para estar máis unidos e ser máis fraternos, abertos e universais». E, así, alzaba unha petición: «Santísimo Cristo sei ti a nosa guía, a nosa forza, a nosa esperanza e o noso amor».
Tras levar a cabo onte o descendimiento da imaxe do Cristo, hoxe, a as 19.30 horas, dará comezo a procesión polas principais rúas da cidade olívica, que se rá retransmitida, en directo, a través da TVG e que pon o broche de ouro a estas festas en honra ao Santísimo Cristo da Vitoria. Nesta ocasión, portará o estandarte do Cristo da Vitoria durante a procesión, Fernando Franco, xornalista de Faro de Vigo. Ademais, tamén participarán os grupos de baile da Agrupación dos Centros Culturais e Deportivos de Vigo, acompañados pola banda de música Unión Musical de Coruxo . Ao finalizar a procesión, corais de ACOPOVI cantarán ao Cristo en Porta do Sol.
