3/02/2023

,

San Blas
3/02/2023

,

San Blas

Mons. Luís Quinteiro: «O noso patrimonio hoxe ten unha dimensión esencialmente misioneira, evanxelizadora e pedagóxica»

Mons. Luís Quinteiro: «O noso patrimonio hoxe ten unha dimensión esencialmente misioneira, evanxelizadora e pedagóxica»

Cada ano, desde a súa consagración no ano 725 polo bispo naquel momento Esteban Egea, o 1 de decembro, a diocese de Tui-Vigo celebrou o aniversario da dedicación da Santa Igrexa Catedral de Tui, sede do bispo e igrexa nai para toda a diocese, que, nesta ocasión, cumpriu 797 anos da súa dedicación. Para conmemorar esta efeméride, a Vigairía para o Clero organizou unha xornada de convivencia sacerdotal ás 11 horas no templo catedralicio.

A xornada comezou coa meditación sobre a Palabra de Deus no Advento, impartida polo exéxeta Uxío  Nerga Menduiña. A continuación, o bispo de Tui-Vigo, Mons. Luís Quinteiro, presidiu a eucaristía na que manifestou que «a nosa igrexa foi sempre foco de cultura» e engadiu que, hoxe máis que nunca, «debe ter conciencia desa dimensión, por iso, non podemos cerrar a nosa catedral, senón que temos que abrila, gozar con todos das súas riquezas e compartir o noso legado». Neste sentido, o prelado tudense explicou que «o noso patrimonio hoxe ten unha dimensión esencialmente misioneira, evanxelizadora e pedagóxica. Esta catedral ten unha particularidade: é un monumento que dialoga entre dous pobos. A súa situación, a súa localización, é privilexiada e, neste momento, nós tamén temos que achegar esa dimensión de diálogo»

Finalizada a celebración da eucaristía, o licenciado en Historia da arte, Ramón Fernández, impartiu o relatorio «Oitocentos anos construíndo unha catedral entre dúas ribeiras, dous reinos e dous países», na que se tratou de contextualizar o espazo físico da catedral dentro do espazo histórico, describindo a evolución do proceso construtivo do templo, as relacións do cabido coa cidade tudense ou as influencias reelaboradas provenientes doutros lugares, entre outros temas.

Durante todo o ano, a Vigairía para o Clero ofrece diferentes espazos de encontro e oración sacerdotal, como os retiros de verán ou a quenda de exercicios espirituais organizada anualmente durante o mes de outubro, aos que tamén se suma esta xornada de convivencia contorna ao aniversario da sé tudense.

Celebración del 797º aniversario de la dedicación de la S.I. Catedral de Tui | © Diocese de Tui-Vigo
Con motivo de la celebración de la dedicación de la catedral de Tui, el obispo de Tui-Vigo presidió la eucaristía en el templo catedralicio.
« de 21 »
Facebook
Twitter
Email
WhatsApp