Ante o falecemento do papa Francisco, a Igrexa eleva ao Señor a súa confiada oración polo que foi o seu pastor durante estes últimos 12 anos, implorando que a luz da Pascua do Señor Xesús ilumine ao seu servo bo e fiel.
Campás en sinal de loito.
Unha vez coñecida a noticia do falecemento do Santo Pai, é conveniente que, nas catedrais, parroquias e outras igrexas tóquense as campás en sinal de loito, especialmente o mesmo día do falecemento e o día das exequias.
Celebracións cotiás da eucaristía e actos piadosos
Nos días antes da misa de exequias en Roma, pódese pedir nas celebracións da misa polo papa defunto no memento correspondente, e engadir intencións por el na oración dos fieis. Tamén se poden organizar actos de devoción e piedade, como o rezo do Santo Rosario ou outros que parezan adecuados.
Omisión do nome do papa na Liturxia
Na Pregaria eucarística, omítese a fórmula habitual «co teu servidor o papa Francisco», xa que a Sede está vacante. Pásase directamente a nomear o bispo diocesano.
Misa funeral polo papa defunto
Misar funeral polo Santo Padre non se ha de celebrar antes das exequias celebradas na basílica de San Pedro en Roma. Unha vez celebradas estas, durante o período chamado de novendiales, organizarase un funeral de carácter diocesano na Santa Igrexa Catedral e na concatedral-basílica, e as parroquias e outras comunidades poderán facelo tamén unha vez que se celebrou o funeral diocesano.
Formularios para utilizar na misa exequial
Para esta celebración poderase utilizar un dos tres formularios “polo papa” contidos nas misas de exequias (Misal Romano, pp. 1118-1120), utilizando as lecturas adecuadas e a cor morada, sempre que a celebración da misa de exequias non estea impedida polo día litúrxico. O día das exequias do Santo Pai Francisco en Roma pode celebrarse o Oficio de Defuntos da Liturxia das Horas.