Este sábado, 26 de xuño, o violinista Florian Vlash e a chelista Ruslana Prokopenko participarán no XIII Ciclo de música relixiosa San Martiño de Barcia de Mera, interpretando obras de Juan Durán e Octavio Vázquez, entre outros, nunha sesión titulada «Galicia en oito cordas» que comezará ás 20 horas.
Debido ás limitacións de aforo a causa do covid-19, será necesario reservar entrada previamente na recepción do balneario de Mondariz ou a través do número de teléfono: 658 627 525. O custo da entrada será de 5€.
A parroquia de Barcia de Mera, situada no municipio pontevedrés de Covelo, acolle cada verán este ciclo musical que, nesta ocasión, conta cun total de sete concertos programados desde abril ata setembro. Este ano os asistentes poderán gozar de novas producións como “ Vésperas na honra de san Martiño” interpretada polo grupo Vox Stellae Ensemble, ou a ópera “María Estuardo” con música de Schiller e Donizetti.