A publicación do DOG do pasado 21 de outubro de 2020 estipula novas restricións sociais que pretenden frear o avance da segunda onda do COVID-19 que está a atacar Galicia. Entre as actividades afectadas atópase a catequese.
Con tal motivo, os Secretariados de Catequeses de Galicia poñen ao dispor das comunidades parroquiais novas orientacións que resumen as restricións para o ámbito catequético naqueles lugares que se atopan en Fase 2, na que aínda queda permitida a catequese de maneira presencial. No caso das parroquias que se atopan xa en Fase 3, a catequese trasládase ao ámbito familiar.
As novas medidas, que acaba de publicar a Xunta de Galicia e afectan o ámbito da catequese, estarán en vigor durante un período de 14 días naturais desde a súa entrada en vigor o pasado xoves, 22 de outubro, ás doce da noite. A Consellería de Sanidade poderá modificar (endurecer) ou levantar estas medidas antes dese tempo, en función da evolución da situación sanitaria.
