Do 4 ao 12 de xuño, a comunidade parroquial de Santo Antonio da Florida en Vigo prepárase para celebrar o día grande na honra ao seu patrón, mediante o rezo do rosario e da novena, seguido da eucaristía, ás 09.30 e ás 18:30 horas.
O sábado 6 de xuño, ás 19.00 horas, o bispo de Tui-Vigo, monseñor Antonio Valín, presidirá a eucaristía por todos os defuntos da parroquia e devotos de Santo Antonio.
O sacerdote e reitor do Seminario Menor «San Paio» de Tui, Antonio Menduiña, será o encargado de predicar o triduo solemne durante os días 10, 11 e 12 de xuño, ás 19.00 horas.
O sábado 13 de xuño, festa de santo Antonio, haberá misas ao longo de todo o día: pola mañá ás 09.00, 10.00, 11.00 e 12.00 horas; pola tarde, ás 17.00, 18.00, 19.00 e 20.00 horas. A eucaristía solemne seguida da procesión coa imaxe do santo polas rúas da cidade olívica será a as 20.00 horas. Ademais, como é tradición, tras cada misa, haberá repartición de boliños e flores.