O sábado 25 de xaneiro, a as 10.30 horas, nos locais parroquiais da Nosa Señora do Rocío en Vigo, a delegación de Pastoral Familiar da diocese convoca o primeiro encontro «Construíndo familia» do curso 2024-2025, no que se coñecerán novas metodoloxías para acompañar ás parellas de noivos. Nesta ocasión, o matrimonio coruñés formado por Tucho e María impartirá unha formación sobre «O reloxo dos noivos», un método activo, en clave cristiá, con diálogos profundos sobre aspectos esenciais do noivado e o matrimonio.
«Construíndo familia» é unha iniciativa dirixida a todos os axentes de pastoral da diocese que se dedican a coidar e acompañar o crecemento das familias, pero, especialmente, pensado para aqueles que se encargan de formar a futuros matrimonios a través dos cursos prematrimoniais —paso previo que deben realizar as parellas, antes de recibir o sacramento do Matrimonio—. Ao longo de todo o curso, a delegación de Pastoral Familiar convoca tres sesións co obxectivo de profundar en diferentes temas que poidan axudar a formación de novos e veteranos axentes de pastoral —segrares e sacerdotes—.
