Con motivo da festividade de san Lucas, patrón dos médicos, o venres 18 de outubro, ás 11.00 horas, a capela do hospital Álvaro Cunqueiro en Vigo acolleu unha eucaristía presidida polo bispo de Tui-Vigo, Mons. Antonio Valín. Tras a celebración, o prelado tudense puido coñecer diferentes dependencias do sanatorio e visitar a algunhas das persoas enfermas que son acompañadas polos capeláns do hospital.
A diocese de Tui-Vigo, a través da delegación de Pastoral da Saúde, atende a capelanía de cinco hospitais vigueses: Álvaro Cunqueiro, Meixoeiro, Nicolás Peña, A Nosa Señora de Fátima e Povisa—. Así, grazas a o labor de 8 sacerdotes e 4 relixiosas de vida consagrada, pode ofrecer un servizo relixioso hospitalario para todas as persoas que o soliciten, xa sexa durante a enfermidade ou nos últimos momentos da vida, mediante a escóita confidencial, o acompañamento espiritual ou os sacramentos.
