O sábado 7 de decembro, ás 18.00 horas, o bispo de Tui-Vigo, Mons. Antonio Valín, bendixo o belén artesanal en movemento situado no centro parrroquial de San Bieito de Gondomar, obra de Francisco Fernández. Tras a bendición coa que se inauguraba este belén, o prelado presidiu a eucaristía no templo parroquial.
Este belén artesanal en movemento consta de 1.500 figuras estáticas e 420 en movemento, repartidas por un espazo de 45 metros cadrados e 2 metros de altura nun dos seus extremos. A obra poderase visitar ata o 12 de xaneiro pola mañá, de 11.00 a 13.45 horas, e pola tarde, de 17.00 a 21.15 horas, fóra de as mañás do 25 de decembro e do 1 e 6 de xaneiro.
