O luns 5 de agosto, ás 12.30 horas, na Carballeira da Guía, o bispo de Tui-Vigo, Mons. Antonio Valín Valdés, presidirá por primeira vez a eucaristía solemne na honra á Virxe das Nieves; a Coral Polifónica de Teis será a encargada de harmonizar a celebración. Previamente, ás 12.00 horas, a imaxe da virxe procesionará desde a capela da Guía ata o lugar da misa na Carballeira.
Ese día, ademais da misa solemne, celebraranse misas na ermida ás 9.00, ás 10.00 e ás 11.00 horas. Tras a misa solemne, haberá unha comida de confraternidade seguida de cancións e bailes populares. Finalmente, ás 19.30 horas, a imaxe da virxe será levada de regreso á capela.
Desde o pasado venres 26 de xullo, na parroquia das Nieves de Teis vénse celebrando diariamente a novena e a eucaristía na honra á súa patroa. Un dos actos para destacar terá lugar o vindeiro sábado 3 de agosto: ás 19.15 horas, tras a celebración da eucaristía, a imaxe da virxe da Guía será levada en procesión desde o templo parroquial ata a capela do monte, acompañada doutras imaxes marianas presentes en diversos países do mundo.
Ao día seguinte, domingo 4 de agosto, ás 19.00 horas, tamén haberá misa na ermida.
