Este domingo, 27 de xuño, ás 12 horas, o bispo de Tui-Vigo, Mons. Luís Quinteiro Fiuza, presidirá a eucaristía na parroquia de San Salvador de Coruxo, na que tres matrimonios celebrarán as súas vodas de ouro, é dicir, os seus 50 anos de compromiso e fidelidade: Clara Miranda Pontes e Eugenio Lago Costas; Elena Comesaña Fernández e Juan Prado Campos; e, finalmente, Consolo Gago Rodríguez e Bernardito González Castro.
A celebración que promoven cada ano desde Avoa, a asociación de xubilados e pensionistas de Coruxo, estaba prevista para outubro do ano 2020, pero, debido á Covid-19, pospúxose ata o de agora.