O Coro Apóstolo Santiago ofrecerá, ás 19:45 do próximo sábado día 18 no templo parroquial da Soidade, o seu habitual concerto de Nadal dirixido por Rimas Zdanavicius. Para esta ocasión escolléronse pezas tradicionais e outras de Haendel, Mozart, Rey Rivero, J. Reading, referidas preferentemente ao tempo litúrxico do Nadal.
O Coro Apóstolo Santiago pertence á Asociación de Corais Polifónicas de Vigo (ACOPOVI), que organizou, na cidade neste tempo, os concertos “Corais nas luces de Nadal”.
