Hoxe venres, 9 de outubro, emitíase un novo episodio do programa diocesano, O espello de Tui-Vigo, a través do dial 87.8 FM de COPE Vigo.
Nesta ocasión, os entrevistados foron don José Vidal, Vigairo de Pastoral da nosa diocese, para comentar as iniciativas do Plan Pastoral deste curso 2020-2021; e o delegado de Catequese, don Juan de Olazabal, para falar do inicio da catequese que dará comezo a partir do próximo domingo.
Con motivo da festividade da Virxe de Fátima, acompañounos Juan Luís Martínez, párroco do Santuario da nosa Señora de Fátima. Con el, falamos dos actos previstos para o vindeiro martes, 13 de outubro.
