O martes 30 de decembro ás 19:30 hrs. na igrexa de Santiago o Maior de Vigo, o bispo Mons. Antonio Valín presidirá a Eucaristía para celebrar a festividade da Translación do Apóstolo Santiago. Esta festividade é organizada pola confraría do Apóstolo Santiago e nela conmemórase o traslado do corpo do Apóstolo Santiago o Maior, desde Jaffa (Palestina) ata Galicia, para recibir sepultura no lugar no que hoxe se levanta a catedral de Santiago.
Ao longo do ano tres son as festas xacobeas que organiza a confraría do Apóstolo: o 23 de maio a aparición do apóstolo na batalla de Clavijo; o 25 de xullo a solemnidade do apóstolo Santiago; e finalmente a translación dos seus restos, o 30 de decembro.
Ao longo da eucaristía deste martes, realizarase a imposición das medallas aos novos confrades que, desta maneira, pasan a formar parte da confraría comprometéndose a fomentar o culto ao apóstolo Santiago, estimular a peregrinación na súa dimensión cristiá e prestar atención e orientación aos peregrinos.