O domingo 8 de setembro, o programa da Televisión de Galicia (TVG) Polo camiño da fe emitiu un episodio sobre o programa de emprego de Cáritas Diocesana de Tui-Vigo, que ofrece acompañamento no proceso de inserción socio laboral das persoas que participan nel, facilitándolle o acceso a empregos dignos a través da súa axencia de colocación.
Polo camiño da fe é un programa relixioso producido pola provincia eclesiástica de Santiago de Compostela e emitido a través da Televisión de Galicia, todos os domingos, ás 09.45 horas. Posteriormente, comeza a retransmisión da eucaristía desde a cidade compostelá, no templo parroquial de San Frutuoso.
