A programación ofrécenos doce accións divididas en catro bloques temáticos. Todas teñen interese e serán, sen dúbida, un paso adiante no camiño de acadar unha comunidade diocesana cunha fe máis viva e operante. Pero gustaríame determe na que fai referencia ao gran evento eclesial e pastoral que será a XVI Asemblea Xeral Ordinaria do Sínodo dos Bispos.
A Evanxelización coma vocación (Mateo 28, 16-20)
«Gustaríame que viviramos esta nova etapa soñando xuntos, con realismo, buscando camiños ilusionantes polos que ser fieis ao mandato do anuncio do Evanxeo a todas as persoas. A miña intención neste curso é, primeiramente, irvos coñecendo pouco a pouco. Saber quen sodes, onde estades a construir Igrexa, cales son as vosas dificultades, gozos e esperanzas; gustaríame xa que logo empezar visitándovos, escoitándovos, coñecendo os retos e uníndome a todo o que nos últimos tempos e plans diocesanos estades a facer»
— Mons. Antonio Valín, bispo de Tui-Vigo
