O sábado 15 de marzo, a parroquia da Nosa Señora da Franqueira organiza unha peregrinación xubilar desde Ribarteme ata o santuario da virxe que é un dos tres templos xubilares da diocese tudense durante o Xubileu 2025, que o papa Francisco convocou baixo o lema «Peregrinos de esperanza». A inscrición, que ten un custo de 5 euros por persoa, pode realizarse a través do correo electrónico info@afranqueira.org ou do número de teléfono 609 47 25 91.
Ás 09.00 horas, todos os participantes atoparanse no santuario da Franqueira, onde collerán o autobús para trasladarse a Ribarteme. Desde alí, peregrinarán seguindo o «Camiño dos frades». Á súa chegada ao santuario realizarase unha oración á virxe e celebrarase a misa xubilar. Os peregrinos poderán utilizar as duchas do santuario.
O 29 de decembro de 2025, coincidindo coa inauguración do Xubileu 2025 na catedral tudense, a diocese de Tui-Vigo estableceu tres templos xubilares para que todas aquelas persoas que teñan dificultades para peregrinar a Roma poidan gañar tamén a graza do Xubileu: a catedral en Tui, a concatedral-basílica en Vigo e o santuario da Nosa Señora da Franqueira. Entre as accións previstas para o Ano Xubilar, a diocese de Tui-Vigo tamén organiza diversas peregrinacións a Roma ao longo dos próximos meses.
