Os días 6 e 7 de marzo, un grupo de peregrinos da diocese de Tui-Vigo peregrinaron á diocese de Córdoba facendo o roteiro de san Paio. Proceden das parroquias de Albeos, Mourentan, Luneda, Cequeliños e Villar, encabezados polo seu párroco, Luis Manuel González Piñeiro.
O primeiro día, visitaron algúns lugares e monumentos da cidade relacionados con san Paio: Medina Azahara, a Xudería, a Mezquita Catedral e o Alcázar. E o día 7, foron primeiro recibidos polo bispo de Córdoba, que lles falou da última peregrinación que el fixo acompañado polos curas do Decenio á parroquia de Albeos, lugar de nacemento de san Paio. Lembroulles, ademais, o vínculo martirial que existe entre ambas as cidades e animoulles a vivir esa fe que tivo o mártir Paio.
Acto seguido, os peregrinos celebraron a eucaristía na capela do Seminario Maior «San Pelagio», presidida polo párroco de Albeos e concelebrada polo antigo párroco de Albeos, Juan Benito Rodríguez Guerreiro, e o director do Secretariado para as Causas dos Santos da diocese de Córdoba, Miguel Varona. Na homilía, o sacerdote uniu o martirio de san Paio e a súa fe en Cristo, o seu único Señor e só digno de amor, tal e como lle dixo ao Califa antes do martirio.
Posteriormente, os peregrinos veneraron as reliquias de san Paio e visitaron as instalacións do Palacio Episcopal.
Tras esta visita, desprazaranse a León para visitar a colexiata de Santo Isidoro, onde estiveron depositados os restos de san Paio antes do seu traslado definitivo a Oviedo.
Os peregrinos cumpren así o seu desexo de realizar este roteiro de san Paio que en anos vindeiros esperan completar coa visita a Oviedo.
