29 de Marzo de 2024

,

San Eustasio
29 de Marzo de 2024

,

San Eustasio

Primeiro encontro «Construíndo Familia» do curso 2022-2023

Primeiro encontro «Construíndo Familia» do curso 2022-2023

O sábado 19 de novembro, ás 10:30 horas, nos locais parroquiais da nosa Señora do Rocío, a delegación de Pastoral Familiar da diocese de Tui-Vigo organiza o primeiro encontro «Construíndo Familia» do novo curso pastoral 2022-2023, dirixida a todas as persoas interesadas en coidar e acompañar o crecemento das familias, especialmente, para todos os axentes que imparten cursos prematrimoniais. Os interesados en participar poden inscribirse a través do correo electrónico: pfamiliar@diocesetuivigo.org.

Nun primeiro momento, se avaliará o desenvolvemento dos cursos prematrimoniais durante este ano no que se implementou o itinerario diocesano de formación —que foi presentado en xaneiro de 2022—, para coñecer as dificultades e oportunidades que xurdiron durante a impartición destes cursos. Tamén será unha ocasión para elaborar o novo calendario do ano 2023.

A continuación, os asistentes a este encontro recibirán unha formación achega do proceso de nulidade matrimonial, que impartirá o vigairo xudicial da diocese de Tui-Vigo, Juan Carlos Sendón, co fin de poder acompañar máis adecuadamente a aqueles matrimonios que solicitan iniciar unha nulidade matrimonial.

Facebook
Twitter
Email
WhatsApp