24 de Xullo de 2024

,

Santa Cristina
24 de Xullo de 2024

,

Santa Cristina

Primeiro retiro de Emaús para mulleres

Primeiro retiro de Emaús para mulleres

Do 15 ao 17 de marzo, no colexio maristas Santa María de Tui, a parroquia de San Francisco de Asís en Vigo organiza o primeiro retiro de Emaús para mulleres, unha iniciativa pastoral que busca que os participantes «recoñezan a presenza de Xesús resucitado na vida diaria, a través de testemuños de conversión e dun ambiente de irmandade en Cristo», explican desde a organización do retiro.

inscrición a este primeiro retiro de Emaús ten un custo individual de 160 euros. As mulleres maiores de 30 anos interesadas en participar neste retiro de Emaús en Tui deben encher o seguinte formulario on-line. Para máis información, poden poñerse en contacto a través do correo electrónico emausmujeres.sanfranciscovigo@gmail.com.

Sobre Emaús

O retiro de Emaús nace en 1978 nunha parroquia de Miami en EEUU da man do seu párroco, David Russel, e unha freguesa chamada Mirna Gallager, quen lle propón facer algo con outros cinco fregueses. Na oración descobren esta pasaxe de Emaús e así xorde o primeiro retiro en 1978. A partir de aí foise estendendo en EEUU, América do Sur e Europa, chegando a España (Madrid) en 2010 e expandíndose por toda España —A Coruña será a primeira cidade galega en sumarse a esta iniciativa en 2019—.

É un retiro espiritual que se fai soamente unha vez na vida, cun marcado carácter íntimo e testemuñal que implica unha importante diferenza de sensibilidades no caso de homes e mulleres —para os máis novos, menores de 30 anos, existe Effetá—. Dirixido a todo o mundo, con independencia da súa situación persoal, o retiro de Emaús constitúe un bo instrumento de apostolado encamiñado a espertar e dinamizar a vida de diocese e parroquias, xa que, unha vez finalizado o retiro, realízanse reunións semanais para vivir e alimentar a fe en comunidade.

retiros de emaús

en la diócesis

de Tui-Vigo

Facebook
Twitter
Email
WhatsApp