Do 3 ao 5 de outubro, o proxecto Amor Conxugal organiza, no mosteiro de San Xoán de Poio (Pontevedra), un retiro para matrimonios baseado nas catequeses de san Xoán Paulo II sobre a Teoloxía do Corpo. Este retiro vai dirixido a todos os matrimonios da diocese de Tui-Vigo que queren vivir unha experiencia de amor xuntos —estean en crise ou non— ou queiran fortalecer e reavivar o sacramento recibido. A inscrición, que ten un custo de 315 euros por parella, pode realizarse de maneira on-line a través do seguinte ligazón.
Durante esa fin de semana, haberá adoración eucarística continuada na capela da hospedería do mosteiro para interceder polos matrimonios que estean a realizar o retiro. Por iso, desde a organización, convidan a todos os diocesanos e diocesanas de Tui-Vigo a sumarse a esta iniciativa cubrindo algunha quenda de adoración. As persoas interesadas poden inscribirse a través da seguinte ligazón. Para máis información tamén poden poñerse en contacto a través dos seguintes números de teléfono: 658 32 87 22 (Javier) ou 677 05 00 45 (Rocío).
Sobre Proxecto Amor Conxugal
É un método para matrimonio que nace en agosto de 2022, composto por matrimonios católicos que queren profundar na súa vocación conxugal, cun espírito misioneiro. Con carácter diocesano en Málaga, estendeuse a diversas dioceses de España, coa supervisión dos párrocos respectivos, delgados Pastoral Familiar e bispos de cada dioceses.
Está baseado nas catequeses de san Xoán Paulo II sobre o amor humano e consiste en traballar sobre tres piares —fe, formación e vida— para recuperar o plan de Deus para o matrimonio e a familia, o que iniciou desde a creación do home-muller, e que ten como obxectivo a santidade.