O acto terá lugar no antigo templo parroquial de Santo Tomei de Freixeiro no que, actualmente, reúnese a comunidade de cristiáns ortodoxos de Vigo.
Ás 19 horas de mañá, sábado 26 de febreiro, a diocese de Tui-Vigo participará na vixilia de oración pola paz en Ucraína que organiza a comunidade de cristiáns ortodoxos de Vigo, en colaboración coas delegacións católicas de Migrantes e Ecumenismo. Este encontro, levará a cabo no antigo templo parroquial de Santo Tomé de Freixeiro, ao que acode a comunidade ortodoxa —formada maioritariamente por persoas de orixe ucraína— para asistir ao culto de maneira periódica.
Ademais da comunidade ortodoxa e católica, á celebración sumaranse representantes doutras confesións cristiás que conviven na cidade de Vigo, co obxectivo de rezar pola unidade dos pobos e o fin da Guerra en Ucraína.
A través deste acto ecuménico, a diocese de Tui-Vigo quere sumarse ao chamamento realizado polo papa Francisco o pasado mércores 23 de febreiro, tras a súa habitual audiencia xeral na Aula Pablo VI,: “a insensatez diabólica da violencia respóndese coas armas de Deus, coa oración e co xaxún”. No comunicado publicado polos medios oficiais da Santa Sé, o Santo Pai convidou “a todos a facer do próximo 2 de marzo, Mércores de Cinza, unha Xornada de xaxún pola paz” e “a quen ten responsabilidades políticas a facer un serio exame de conciencia diante de Deus, que é Deus da paz e non da guerra; que é Pai de todos, non só dalgúns, que nos quere irmáns e non inimigos. Pido a todas as partes implicadas que se absteñan de toda acción que provoque aínda máis sufrimento ás poboacións, desestabilizando a convivencia entre as nacións e desacreditando o dereito internacional”.
