25 de Abril de 2024

,

San Marcos
25 de Abril de 2024

,

San Marcos

Retiro de Coresma para a mocidade

Retiro de Coresma para a mocidade

Do 8 ao 10 de marzo,  no Seminario Maior «San Xosé» de Vigo, a delegación diocesana de Pastoral Xuvenil e Universitaria organiza un retiro de Coresma para mozos e mozas, a cargo do sacerdote Ángel Carnicero, delegado de Pastoral Vocacional e reitor do seminario vigués. As persoas interesadas en participar poden inscribirse a través do número de teléfono 672 11 90 39.

O retiro, que segue os pasos dos exercicios espirituais de santo Ignacio de Loyola, ofrece un espazo para profundar e enriquecer a relación con Deus, mediante a oración e a lectura da Biblia.  A delegación de Pastoral Xuvenil e Universitaria explica que, en definitiva, trátase dun momento de silencio, afastado dos ruídos exteriores, que pode axudar a mocidade a vivir con maior intensidade este tempo de Coresma, previo á Semana Santa.

Outras iniciativas pastorais para a mocidade

Desde o mes de febreiro, a delegación de Pastoral Xuvenil e Universitaria está a desenvolver dúas iniciativas de carácter semanal para dar continuidade ás actividades de Primeiro Anuncio realizadas durante o primeiro trimestre do ano —Ceas Alpha e «Una luz en la noche»—, pero que están abertas a todos os mozos que desexen profundar na súa fe: 

  • «For(you)mate»: un proxecto de discipulado que, desde o 20 de febreiro, lévase a cabo os martes, ás 20 horas.
  •  «Ven e verás»:  unha iniciativa para profundar na Biblia e na figura de Xesús, a través da primeira tempada da serie The Chosen. Os encontros son os venres, ás 19.15 horas.

Ambas as actividades desenvólvense nos locais compartidos da delegación de Pastoral Xuvenil e Universitaria, situados na rúa García Barbón, 29.

«For(you)mate» e «Ven e verás», actividades para mozos e mozas que queiran crecer na fe

A delegación de Pastoral Xuvenil e Universitaria da diocese de Tui-Vigo puxo en marcha dúas iniciativas para dar continuidade ás actividades de primeiro anuncio, pero que están abertas a todos os mozos que queiran continuar crecendo e profundando na súa fe.

Facebook
Twitter
Email
WhatsApp