O luns, 3 de febreiro, a parroquia de Santiago de Bembrive en Vigo celebra a festa en honra a san Blas —bispo, médico da garganta e mártir—, con misas ao longo de todo o día, desde as 08.30 ata as 19.30 horas. O bispo de Tui-Vigo, Mons. Antonio Valín, presidirá a eucaristía solemne seguida de procesión, ás 12.30 horas.
Desde o pasado sábado 25 de xaneiro, ás 19.15 horas, a comunidade parroquial de Santiago de Bembrive prepárase para a celebración desta romaría, co rezo diario da novena na honra ao santo. O 3 de febreiro, festividade de san Blas, haberá misas pola mañá ás 08.30, 09.30, 10.30, 11.30 e 12.30 horas —esta última solemne presidida polo bispo— e pola tarde ás 17.30, ás 18.30 e ás 19.40 horas. Ao día seguinte, martes 4, celebrarase a eucaristía ás 12.00 horas.
A parroquia de Santiago de Bembrive lembra que nas celebracións dos días 3 e 4 de febreiro pedirase por todos os devotos de santo Blas. Ademais, despois de cada misa, bendirase o pan en honra ao santo.
