O venres, 13 de decembro, a parroquia de Santa Lucía da Salgueira en Vigo celebra a festa na honra á súa patroa, Lucía de Siracusa, mártir do século IV. Haberá misas ao longo de todo o día: pola mañá, ás 9:00, 10:00, 11:00 e 12:00 horas; e pola tarde ás 17:00, 18:00 e 20:00 horas.
A as 12:00 horas, o bispo de Tui-Vigo, Mons. Antonio Valín, presidirá a eucaristía solemne seguida de procesión coa imaxe da santa e, a as 20:00 horas, a misa ofrecerase polas Damas de Santa Lucía falecidas. A asociación folclórica de bailes e gaitas da Salgueira, «Queixumes», será a encargada de clausurar a xornada cunha actuación.
O 4 de decembro, comezará o rezo da novena en honra a santa Lucía, previamente á eucaristía das 18:00 horas —rezarase o rosario ás 17.30 horas—, fóra do mércores 6, o venres 8 e o domingo 10 de decembro que a celebración será ás 12 horas —precedida do rosario ás 11.30 horas—. O sábado 7 de decembro, ás 18:00 horas, durante a eucaristía harmonizada polo Coro Rociero de Vigo, realizarase a imposición de medallas ás Damas de Santa Lucía; ao terminar, haberá un concerto do Coro Rociero.
Tal e como lembra a parroquia de Santa Lucía da Salgueira, a devoción á súa patroa permanece activa durante todo o ano, xa que o 13 de cada mes celébrase unha misa na honra a esta mártir do século IV: ás 18:00 horas, de luns a sábado, e ás 12:00 horas, en caso de ser domingo.
