O templo parroquial de San Lourenzo de Salvaterra de Miño será o lugar desde o que se retransmitirá a misa dominical da 2 de Televisión Española, o 27 de abril, segundo domingo de Pascua e domingo de Santo Telmo, ás 10.30 horas. A celebración, que presidirá o bispo de Tui-Vigo, monseñor Antonio Valín, tamén se poderá seguir a través da web da 2 de TVE, clicando na seguinte ligazón.
«O día do Señor» é o nome do espazo relixioso para as mañás dos domingos na 2 de Televisión Española que retransmite a Santa Misa desde diferentes templos da xeografía española. Todas as celebracións poden visionarse en diferido a través da páxina web RTVE Play.