Onte, 16 de agosto, festividade de san Roque, o patrón dos peregrinos volveu percorrer as rúas da cidade olívica, tras a eucaristía solemne presidida polo bispo de Tui-Vigo, monseñor Antonio Valín, na capela do pazo dedicada ao santo. O pasado 7 de agosto, a parroquia de San Xosé Obreiro e Santa Rita en Vigo comezou os preparativos para celebrar esta romaría á que acoden centos de devotos para solicitar a intercesión do santo.
Como home crente, apaixonado polo Evanxeo e a figura de Xesús de Nazaret, san Roque sentiu a presenza de Deus «coa cabeza, o corazón e as mans, comprometéndose así coa realidade da súa ao redor» ata a súa morte, recalcou o bispo tudense durante a súa intervención. Seguindo o exemplo do santo e ao fío das lecturas proclamadas durante a eucaristía, monseñor Antonio Valín convidou os presentes a seguir o exemplo de san Roque, confiando e esperando en Deus, pero comprometéndonos co próximo.
Hoxe, domingo 17 de agosto, ás 12.00 horas, celebrouse unha eucaristía polos falecidos da Irmandade e os devotos de san Roque. Posteriormente, a imaxe do santo procesionou novamente polas rúas da cidade.
