28 de Marzo de 2024

,

San Sixto III
28 de Marzo de 2024

,

San Sixto III

A parroquia de Santa María do Porriño acolle ao seu novo párroco o Día da Igrexa Diocesana

A parroquia de Santa María do Porriño acolle ao seu novo párroco o Día da Igrexa Diocesana

A comunidade parroquial de Santa María do Porriño acolleu ao seu novo párroco, Joaquín Estévez, nunha Eucaristía presidida polo noso bispo, Luís Quinteiro Fiuza, o domingo 8 de novembro, Día da Igrexa Diocesana, co que se pretende visibilizar e agradecer o labor de todas aquelas persoas que desenvolven as diferentes accións — celebrativa, pastoral, educativa, evanxelizadora e caritativa-asistencial— da Diocese de Tui-Vigo.

O bispo, Luís Quinteiro, resaltou o labor da comunidade do Porriño, como unha comunidade de esperanza para a Igrexa que soubo conxugar os novos tempos sen perder as súas raíces cristiás. Ademais, expresou a importancia de alentar o traballo en equipo para poder multiplicar o labor da Igrexa construíndo cara ao futuro. 

Despois de sete anos á fronte das comunidades  Alxén,  Arentei,  Cabreira e Porto, Joaquín Estévez chega a Porriño para continuar acrecentando a vida desta comunidade, tarefa que compaxinará coa de párroco de San  Estevo de  Cans e  arzipreste da  Louriña. Tras recibir a chave do sagrario, o sacerdote guardés agradeceu a acollida recibida e resaltou a grandeza dunha parroquia asentada nunha terra chea de vitalidade, servizo, arte, ciencia e mesmo deporte.

 

Joaquín Estévez, natal da Guarda, foi ordenado sacerdote en Vigo en 1981, despois de licenciarse en Canto  Gregoriano e conseguir a diplomatura en Teoloxía Espiritual. Anteriormente, en 1999, foi administrador e  formador no Seminario Maior de San José de Vigo e, desde 1998, é  canónigo organista na Santa Iglesia Catedral de Tui.

Facebook
Twitter
Email
WhatsApp