Do 15 ao 20 de decembro, a delegación de Catequese da diocese de Tui-Vigo organiza a segunda sesión das «Escolas de catequistas» deste curso 2025-2026, co obxectivo de ofrecer formación permanente para novos e veteranos catequistas. Esta iniciativa dá resposta ás propostas do Novo Directorio para a Catequese, publicado polo Pontificio Consello para a Promoción da Nova Evanxelización.
Durante toda a semana, impartirase a mesma sesión formativa, pero en diferentes horarios e zonas da xeografía diocesana para facilitar a participación dos catequistas. A continuación, móstranse os horarios das próximas sesións:
- Luns 15 de decembro, ás 20:00 horas, na Gardería San Xosé de Borreiros , de Misioneiras de María Mediadora.
- Martes 16 de decembro, ás 20:00 horas, na parroquia de Santa María de Reboreda , en Redondela.
- Venres 19 de decembro, ás 20:00 horas, na igrexa parroquial de San Rosendo de Torneiros , no Porriño.
- Sábado 20 de decembro, ás 11:00 horas, no Seminario Maior «San Xosé» de Vigo.
As «Escolas de catequistas», así como as demais citas diocesanas, son unha oportunidade para establecer espazos de formación e encontro entre os diferentes catequistas que, de maneira voluntaria, colaboran na Igrexa de Tui-Vigo convertendo a catequese en «unha experiencia viva da fe», na que é determinante o encontro persoal entre catequistas e catecúmenos, tal e como expresou o papa Francisco en setembro de 2022.