O pasado mércores, 28 de abril, a Diocese de Tui-Vigo celebrou a Xornada Mundial de Oración polas Vocacións e Vocacións Nativas cunha eucaristía presidida polo bispo Luís Quinteiro, que reuniu a relixiosos e relixiosas de diversas congregacións relixiosas, sacerdotes diocesanos e segrares, entre os que destacaba a presenza dos mozos que habitualmente se reúnen os mércores no Corazón de María para acudir á Oración Nova.
Ao comezo da misa, a irmá Corona Nieto, delegada diocesana da CONFER, explicou os obxectivos da Xornada recollidos no lema deste ano «Para quen son eu?» e agradeceu o testemuño «de homes e mulleres que, respondendo á súa chamada, fan presente nas súas vidas o amor de Deus».
Tamén, o bispo de Tui-Vigo recalcou na súa homilía que «a Igrexa vive baixo a acción do Espírito; todas as obras que nacen na Igrexa son obra do Espírito Santo e, por tanto, debemos sentirnos en oración con El pedindo polas vocacións». Neste sentido, destacou a relación de unión entre Xesús e o Pai, que tamén a comunidade cristiá de hoxe está chamada a vivir respondendo á pregunta “para quen son eu?” a través do discernimento continúo da vida cotiá.
Ao termo da misa, Luís Boullosa, seminarista do Seminario Maior de Vigo, foi o encargado de acompañar aos mozos durante a oración #ante Jesús Eucaristía, un encontro ao que, cada mércores, acoden decenas de mozas da Diocese.
A Xornada Mundial de Oración polas Vocacións e Vocacións Nativas finalizou pero, quen non tiveron a oportunidade de acudir, os actos, organizados polas delegacións de Pastoral Vocacións, Misións, Vida Consagrada e a Confer, poden visualizarse a través da canle de Youtube da parroquia do Corazón de María, uníndose en oración permanente para que «o dono da mies mande obreiros ao seu mies» (Lc, 10).
