Políticas

Tendo sempre como centro e base as ensinanzas de Xesucristo, a Igrexa, estendéndose ao longo do mundo e dos séculos, tense organizado en cada época e lugar coa asistencia do Espíritu Santo e coas achegas humanas, tratando de manter a unidade como signo de comuñón e de continuidade. Froite deste longo proceso é a lexislación ou normativa eclesiástica, que na actualidade está contida principalmente no “Código de Dereito Canónico” promulgado en 1983 para toda a Igrexa.