No marco do VIII centenario da dedicación da catedral de Santa María de Tui, entre o 29 e o 31 de xullo, «TUDE: Museo Catedralicio Diocesano» organiza o taller de fotografía «Tres olladas á Catedral de Tui: Arquitectura, emoción e narración» que impartirá o artista multidisciplinar, Iago Eireos. Este taller representa unha oportunidade única para descubrir o patrimonio histórico de Tui desde unha perspectiva diferente, a través da mirada da fotografía contemporánea.
O taller propón unha experiencia fotográfica creativa e participativa centrada na Catedral de Santa María de Tui. Ao longo de tres xornadas intensivas, os participantes explorarán a arquitectura, a emoción e a narración visual a través de tres perspectivas fotográficas complementarias: documental, poética e narrativa.
Cada sesión combina explicacións accesibles con prácticas guiadas, permitindo aprender facendo. Fomentarase o traballo cooperativo e a análise colectiva das imaxes. Por iso, poderá participar calquera persoa sen coñecementos técnicos previos, co seu equipo fotográfico e/ou teléfono móbil con cámara.
Como produto final, cada participante elaborará un tríptico fotográfico con tres series correspondentes ás diferentes perspectivas exploradas.
Información e inscrición
Lugar: Catedral de Santa María de Tui
Horarios do taller:
O taller terá unha duración total de 15 horas, no seguinte horario:
- Mércores 29 de xullo: de 16.00 a 19.00 horas (3 horas).
- Xoves 30 de xullo: de 10.00 a 13.00 horas e de 16.00 a 19.00 horas (6 horas).
- Venres 31 de xullo: de 10.00 a 13.00 horas e de 16.00 a 19.00 horas (6 horas).
Idade mínima: 16 anos.
Prazas limitadas: mínimo, 10 participantes; máximo, 20.
Material necesario: equipo fotográfico que se teña e/ou o teléfono móbil con cámara. Non se require coñecementos técnicos previos.
Matrícula: 15 euros
O pago debe realizarse á seguinte conta bancaria:
- Número de conta: ES12 2080 5446 7030 4010 1340
- Concepto da transferencia: Taller de fotografía + nomee e apelidos.
Inscrición: enviando un correo electrónico coa seguinte información a info@tudemuseo.com.
- Nome e apelidos.
- Teléfono de contacto.
- Xustificante de transferencia bancaria.